ما تخلو الناس الزيي طوااالي طاشين كدا

فكره المنتدي جد جميله ولله در العقول التي ابتكرت هذه الفكره
لكين برضو عاز اعرف رايكم في انو التواصل بين الجامعات في المنتدي بجهود كل عضويكون اكبر من كدا
فمثلا علي قول استاذنا الجامعات السودانيه بقت قدر شعر الراس فيا شباب انتو ماشايفين معاي انو الشعر اذا كتر بكون عايز طاقيه تلمو لي مايكون المنتدي بيجمع لينا اخبار الاحداث البتحصل في الجامعات فاذا كان والله الزول فينا مرات اخبار جامعتو مابكون جايب ليها خبر وفي حاجات بتحصل في الجامعه ما بينتبه ليها الابعد فوات وقتها فما باللك بالحاجات البتحصل في باقي الجامعات والكليات صراحه ياشباب انا زااااتي مرات صحباني بكلموني بحاجات جد الزول يندم علي انها فاتتو (بس كدي قولو لي يلومو منو؟ الصاحب الماكلمك واحتمال عندو عذر ولا يلوموك انت الشغال من اللاب للباب) الزول صراحه مرات مابلقي زمن ذاتو يعرف اخبار الناس سيبك من انو يعرف اخبارجامعتو ,,,,سيبك من انو يعرف اخبار الجامعات الباقيه
مثلا مثلا جوني اتنين من صحباني قبل اسبوعين كدا جايبين لي خبر بااااايت بس المصيبه انو ماخبريتسكت عليو قالوا لي والله كان في برنامج معمول في جامعه افريقا العالميه عن نصره فلسطين واتكلم فيو فلان وفلان وفلان والله نحن غايتو كنا قايلين نفسنا فاهمين حاجه في القضيه الفلسطينيه طلعونا راسنا دا فاااااضي(والــــــــــــــــــله ياجماعه اتمغست عليهم مغسه)دا كلو وانا ماجايب خبر
ولسا لسا البحصل كتيييير وممكن الزول كان يستفيد منو وبتكون الحاجه حصلت وانتهت والخبر ماطقش اضانك
اديكم مثال تااااااااااااااني الاسبوع الفات :يوم راس السنه بكون في ناس منكم لاحظوا لانو في محاضرات وعظيه شبابيه معموله في حدايق السلام المهم كان حاجه فووووق ما متوقعنها الناس النظموها كميه من الشباب اتأثروا وكميااات طلبو تتعمل ليهم دورات وباذن الله الدورات حتنطلق باسم جامعه السودان(اها ياناس جامعه السودان طقش اضانكم خبر زي دا؟؟؟؟مااااااأظن ،،،،
عموما بدل البري دا كلو بس عاز اقول ياجماعه كتييييييييير الزيي عايزين يعرفو البحصل في باقي الجامعات شنو...حاجه مهمه ولامامهمه بس علييييييييييييييكم الله كلمونا _ولكم الاجر_ اذا كان القصه بياخدو فيها ثواب_اها ماف حد حيدق صدروا ويقول انا ليكم علي اجيب ليكم اخبار جامعتي _اها انا منتظر دي بعد كدا بقت شحده عديييييل كدا)

والله يا عابر سبيل ما عارف دا توارد خواطر ولا انت سارق افكاري

:d: d

طبعا جميل جدا انك تشاركنا بافكارك التطويرية للجامعه ,و والله الواحد بيتحمس وياخد دفعة معنوية لمن يحس انو في روح مشاركة وفي ناس متحمسة لفكرة ملتقى شباب الجامعات السودانية



الفكرة اللي كانت في بالي هي


ان يكون في مراسلين للمنتدى من الجامعات المختلفة

ويكون مهمة المراسل جمع كل الاخبار والبيانات المتعلقة بجامعتوا ويكون مسؤول عن اجابة الاسئلة المتعلقة بجامعتو اوكليتوا زي التسجيل و فترة الدراسة والاجازات و و و....



تم اعتماد الفكرة والشكر مرارا لاخونا عابر سبيل ,

وطبعا اكيد حتكون اول المترشحين عن كلية الطب جامعة الخرطوم

كلامك سليم يا سيدي
و القسم دا خاتن لاخبار الجامعات و والنشاطات الطلابية
ندوات مؤتمرات ووو
و لو رجعت لشرح القسم الموجود
حتلاقينا موافقنك في كثير مما تقول

جزاك الله خير على حرصك
و نتمنى نشوف اخبار جديدة على صفحات المنتدى


سلام سلام

انا معاك يابو صاحبي
بس البدايه تكون منك انت جادة
والباقي خليهو على الله ثم علينا

المشاركة الأصلية كتبت بواسطة FAISAL GREAD

انا معاك يابو صاحبي
بس البدايه تكون منك انت جادة
والباقي خليهو على الله ثم علينا

خطوة اساسية وموفقه في مشروع مجتمع جامعي على الانترنت

best wishes

جميل جدا

لك التحية

والله يا عابر سبيل دا الحاصل لي كتييييييييير من الطلبة الجامعية وتلقاهم يا القاعات ولا الكافتريات والبيت وبس يعني نادر ماتلقى ناس ممهتمة بلأنشطة الجامعية وانشاءلله نوافيكم بكل ما نعرفه عن الجامعات السودانية عاااامة وجامعة افريقيا خاصة
ومن هنا انا بعين نفسي مسؤول عن جامعة افريقيا العالمية واخبار افريقيا


شتتتتتتتتترة
اول مرةواحد يعين نفسه براه